‘Nâu jĭ jơnei ‘nao đei Khŭl pơgơ̆r Lêh pơlong hơmlăi pơkao Apŭng plĕnh teh Đà Nẵng 2024 tơbăt hơdăh pơgê (30/6). Lêh pơlong hơmlăi pơkao Apŭng plĕnh teh Đà Nẵng 2024 ‘noh đei 8 khŭl đơ̆ng dôm teh đak Mi, Phần Lan, Phalăng, Đức, Ý, Ba Lan, Trung Quốc păng Việt Nam.

Kiơ̆ đơ̆ng set rơih kiơ̆ lơ̆m hơlen lăng đơ̆ng Khŭl châm pơlong, lăng kiơ̆ lơ̆m dôm nơ̆r tơgop hơlen lăng đơ̆ng dôm anih jang roi tơƀôh, Khŭl pơgơ̆r rơih iŏk 2 khŭl ‘lơ̆ng hloh ‘noh Phần Lan păng Trung Quốc hơnơ̆ng mơ̆t pơjei tơ̆ gơmăng pơtôch. ‘Nâu đei lăng jĭ jơnei ƀlep hăm tơdra hơdrol đơ̆ng lơ bơngai lăng đơ̆ng rŏng tơdrong prăh tơƀôh ‘lơ̆ng hloh đơ̆ng 2 khŭl âu tơ̆ gơmăng pơlong hơtuch kơ ‘măng pơlong rơih tơ̆ Lêh pơlong prăh hơ mlăi pơkao Apŭng plĕnh teh Đà Nẵng 2024 lơ̆m gơmăng 29/6 âu ki.