Soi ƀlŏk kơ ƀok Dơnơm Hùng Vương – Lêh akŏm Đền Hùng păng Giĕng joh ayŏ Tơmang pơhiơ̆ truh tơring Yă Ƀok Dơnơm sơnăm Giáp Thìn 2024 kơyuơ dêh char Phú Thọ pơgơ̆r vă pôk pơ-ư tơdrong juăt jue băt ‘mêm kơ teh đak, tơ-iung tơdrong “Nhă đak ƀlŏk kơ tu” păng jơhngơ̆m pran tơguăt tơguăl kon pơlei tơrĕk truh tơm a hla chă, pôk bơnê kơ yă ƀok dơnơm; vei răk tơƀăk mong kơjă joh ayŏ tơguăt hăm hơtŏk tơmang pơhiơ̆ truh tơring teh Yă Ƀok Dơnơm. Lêh akŏm sơnăm âu đei lơ tơdrong tơroi tơbang gah mŭk drăm joh ayŏ Việt Nam đei 2 tơdrong tơm noh akŏm kiơ̆ khôi păng pơchơt. Lơ̆m ‘măng âu, tơ̆ Anih gru grua kơ jơhnơr hơrih đei 2 tơdrong tơm: khôi soi ƀlŏk păng pơchơt.

Lơ̆m ‘măng âu, tơ̆ Anih Gru grua jơhnơr hơrih Đền Hùng pơgơ̆r lơ khôi soi tơbeh juăt jue nhen: Lêh plang hlôt nhang ƀlŏk tơbăt kơ dôm Ƀok Pơtao Hùng păng Lêh plang pơkao tơ̆ anih chih tơƀlŏk "Ƀok Hô pơma dơnuh hăm kan ƀô̆, khul linh Dơnơm yuk hơlâu"; Lêh soi tơƀlŏk kơ Ƀok Dơnơm Lạc Long Quân; lêh plang hlôt nhang kơ Yă Dơnơm Âu Cơ păng lêh plang hlôt nhang đơ̆ng dôm apŭng, pơlei tơm, tơring kơdrơ̆m tơ̆ Đền Hùng; ‘Nguaih kơ noh, đei dôm tơdrong akŏm joh ayŏ juăt jue kră sơ̆, dôm tơdrong akŏm joh ayŏ kơdŏ suang...