VOV4.Bahnar - Lơ̆m jơ năr pơ gơ̆r “ Pơ long hơ ri tài tử kơ teh đak ‘măng mă III - Cần Thơ sơ năm 2022", pơ gê ‘năr 7/4, Anih tơm vei lăng găh joh ayŏ, tơ plŏng kơ dâu păng tơ mang lăng jang hơ dai hăm pơ lei tơm Cần Thơ pơ gơ̆r pơ dă tơ ƀôh tơ mam tôn reh joăt joe kơ dôm hơ drĕch hơ drŭng Việt Nam sơ năm 2022. Pơ dă tơ ƀôh 100 um rup păng hloh 200  hla ar, tơ mam tơ roi găh tơ drong arih sa tơ mam drăm, jơ hngơ̆m đon đơ̆ng dôm hơ drĕch hơ drŭng, tơ ring lơ̆m teh đak. Lơ̆m noh, tơ roi hơ dăh truh kơ loăi tơ mam tôn reh joăt joe ‘lơ̆ng hơ iă kơ dôm hơ drĕch hơ drŭng Việt Nam. Pơ dă tơ ƀôh pơ gơ̆r hăm lơ tơ drong jang ‘lơ̆ng hơ iă. Tơ mam tôn reh kơ dôm hơ drĕch hơ drŭng tơ ring groi kông găh tu ‘lơ̆ng hơ iă hăm khèn, klel kơ bơ ngai Mông; tơ ring tơ ter đak dơ sĭ tŏk bŏk hăm hơ gơ̆r Parnưng, hơ gơ̆r Ghi năng, klel Saranai... Dôm hơ drĕch hơ drŭng tơ ring Trường Sơn - Tây Nguyên đei tôn chĭng chêng, klel hơ ke kơ pô, tĭng nĭng, brŏ ot, chĭng klơk....

Thuem: Tơ blơ̆