VOV4.Bahnar - Ƀlep ƀât tơ băt 110 sơ năm năr rơ nĕh (1912 - 2022) păng 78 sơ năm năr ƀok Tô Hiệu lôch (1944 - 2022), tơ̆ Anih gru groa gĭt kăl Hnam phak Sơn La, Anih ‘măn răk tơ mam dêh char Sơn La pơ gơ̆r pơ dă um rup “Jơ hngâm đon Tô Hiệu”. ‘Măng pơ dă pơ gơ̆r đơ̆ng ‘năr 1/3 - 31/12/2022. ‘Măng pơ dă đei 100 tŏ rup đei ming tơ ƀôh, hlŏh 15 pano chô̆ tơ ƀôh tơ̆ ‘ngoăih. Dôm rup ming pơ dă kiơ̆ 3 tơ drong: Pơ lei pơ la; Tô Hiệu – Jơ hngâm đon jang kăch mang; Ang hơ dăh ling lang jơ hngâm đon Tô Hiệu. 

Pơ dă um rup “Jơ hngâm đon Tô Hiệu”

‘Măng pơ dă mă âu tơ ƀôh hơ dăh hlŏh dơ̆ng jơ hngâm đon jang chinh trĭ nuih, kơ tang, đon jang kăch mang gơ̆h hơ gei, tơ păt ‘lơ̆ng, chu hŭt kơ dih kâu yoa tơ drong đei yoa ăn kăch mang, ling lang oei kơ jăp hăm bôl boăl, kon pơ lei ‘nŏh jĭ jơ hngâm đon ‘lơ̆ng hlŏh đơ̆ng linh lôch tang tĕh đak Tô Hiệu. Atŭm hăm ‘nŏh, tơ ƀôh hơ dăh kŏng tĭh tên păng jơ hngâm đon tôch ‘lơ̆ng đơ̆ng ƀok Tô Hiệu, jĭ jơ hngâm đon ang hơ dăh vă rim jơ hnơr hŏk pơ hrăm, pơm kiơ̆, vang tơ gop pơ tho tơ ƀôh tơ drong juăt ‘lơ̆ng hơ iă đơ̆ng chăl yă ƀok sơ̆.

Dơ̆ng: Tơ blơ̆