VOV4.Bahnar - Ƀlep ƀơ̆t tơ băt 132 sơ năm Năr rơ neh kơ ƀok Kơ dră Hồ Chí Minh păng tơ băt 35 sơ năm anih jang pơ tho pơ hrăm, Khoa hŏk păng joh ayŏ kơ Liên hiệp quốc (UNESCO) chơt hơ iă Kơ dră Hồ Chí Minh jĭ “ Bơ ngai nuih mơng rơ ngei hơ drĕch hơ drŭng”, “ Bơ ngai gơh hơ gei hloh”, tơ̆ Cham đă ƀŏng lŏng tơ plŏng kơ dâu Plei Sen, xăh Kim Liên, apŭng Nam Đàn, Anih vei lăng kon pơ lei dêh char  Nghệ An jang hơ dai hăm Anih tơm vei lăng găh Joh ayŏ, tơ plŏng kơ dâu păng tơ mang lăng pơ gơ̆r lêh Plei Sen păng hơ ri Tuồng păng hơ brông pơm tông lơ̆m teh đak sơ năm 2022.

Tang măt rim anih tơm, anih jang trung ương, kơ dră chĕp kơ̆l dêh char Nghệ An păng vă jê̆ 1.000 ‘nu bơ ngai hơ ri, hơ soang, đe oh hơ ioh păng lơ lap kon pơ lei vang akŏm năr pơm lêh. Tơ̆ lêh pơ gơ̆r Plei Sen, dôm bơ ngai tang măt, kon pơ lei lơ̆m dêh char păng tơ moi hlôi lăng hơ ri hơ soang “ Ƀok Hồ jĭ đon lui kăp gĭt” kŭm hăm tơ drong hơ ri hơ soang pôk pơ ư kơ ƀok Hồ, pôk pơ ư kơ Đảng păng tơ drong ‘mêm kơ pơ lei pơ la teh đak.

Thuem: Tơ blơ̆