‘Nâu jĭ tơ drong jang pơih blŭng ăn 9 tơ drong jang tơm đơ̆ng Festival pơ kao Đà Lạt ‘măng mă 9 sơ năm 2022. Tơ moi chă tơ mang lăng păng kon pơ lei tơ̆ tơ ring đei hơ len năng, ngôi hơ dai lơ̆m tơ drong joh ayŏ kơ dŏ xoang kơ tơ ring Tây nguyên, hăm lơ hnam kơ jung đei pơm tôch hơ iă. Mă loi lơ̆m nŏh đei rông Măng Đen kŭm hăm lơ bơ ngai juăt tanh brai vai khăn, tanh kơ đum kơ đŏng, chrăih mul truh đơ̆ng Kon Plông, dêh char Kon Tum.

Hơ dai hăm ‘nŏh, chă lăng ngôi hlŏh 5.000 tơ mam joh ayŏ so sơ̆; dơ̆ng lăng tơ drong tơ mât hơ dai um rup, che tanh Silk house ‘măng mă blŭng đei tanh hăm ti đơ̆ng kon pơ lei kon kông Tây nguyên, pơm đei lơ hơ băn ao ‘lơ̆ng, kăp gĭt.