VOV4.Bahnar - Kơ sơ̆ ‘năr 18/9, tơ̆ cham đă ƀŏng lŏng Pleiku pơ gơ̆r Pơ long Đă ƀŏng lŏng tơ plŏng kơ dâu dêh char Gia Lai ‘măng mă IX sơ năm 2022. Pơ long đă ƀŏng lŏng tơ plŏng kơ dâu dêh char Gia Lai ‘măng âu đei tơ drong vang akŏm đơ̆ng 20 khŭl pơ long đơ̆ng 17 apŭng, thị xăh, pơ plei tơm păng 3 anih jang: Kŏng an, Pơ tho pơ hrăm, Khŭl linh hăm hloh 1.800 ‘nu bơ ngai pơ long. Dôm bơ ngai pơ long pơ jei băl 197 mê đai tơ̆ 19 môn pơ long: đă  ƀŏng lŏng, păh ƀŏng lŏng, pơ dŭng băl, prăh hră, tŭn ‘long, teh sŏk iĕr, karate, tawondo, vovinam…

Pơ têng hăm pơ long đă ƀŏng lŏng tơ plŏng kơ dâu lơ̆m dêh char ‘măng VIII, ‘măng pơ long âu đei dơ̆ng môn glơi. Hơ drol lêh pơ gơ̆r blŭng a, đơ̆ng ‘năr 09/8, pơ long đă ƀŏng lŏng tơ plŏng kơ dâu dêh char ‘măng IX, hlôi pơ gơ̆r lơ tơ drong pơ long. Jô̆ truh kơ sơ̆ ‘năr 18/9, khŭl pơ long pơ lei tơm Pleiku tŏk bŏk chông hơ drol, apŭng Ia Grai dơ̆ng mă 2 hăm 24 mê đai măih, apŭng Đức Cơ dơ̆ng mă 3. Tơ drong pơ long gô pơ tôch lơ̆m ‘năr 23/9.

Thuem: Tơ blơ̆