VOV4.Bahnar - Kơ sơ̆ 23/8, tơ̆ Hnam thi tơ plŏng kơ dâu dêh char Dak Lak tơ̆ plt Buôn Ma Thuột, bơ ngai dơ̆ng tang ăn Khul vei lăng đă ƀŏng lŏng Việt Nam, Ƀăo Hơ iŏh Tiền phong, Anih vei lăng jŏh ayŏ kơ dŏ xoang, tơ plŏng kơ dâu păng chă tơ mang lăng Dak Lak kŭm hăm anih tơ gŭm vang pơ gơ̆r tơ drong thi “Đă ƀŏng lŏng U9 lơ̆m tĕh đak Cup Toyota 2022”.

Bơ ngai tang măt Anih pơ gơ̆r hơ păh Hla Kơ, pơ kao ăn dôm khul vang thi

Tơ drong đă thi mă blŭng đơ̆ng rŏng kơ pơm lêh đơ̆ng Khul Dak Lak hăm CLB đă blŏng lŏng Hải Phòng

Tơ drong thi pơ gơ̆r đơ̆ng ‘năr 23 – 31/8/2022. Tơ drong thi sơ năm ‘nâu đei vă jê̆ 260 ‘nu hơ iŏh vang đă (đei sơ năm đơ̆ng 9 sơ năm jur tơ̆ hơ la) găh 16 khul đơ̆ng dôm tơ ring đei tơ drong đă ƀŏng lŏng pran nhen: Phú Thọ, Sotek Bắc Ninh, Luxury Hạ Long, Quảng Ninh, HYS Hà Nội, CLB đă ƀŏng lŏng Hà Nội, CLB đă ƀŏng lŏng Hải Phòng, Việt Hùng Thanh Hóa, Sông Lam Nghệ An, VietFootball, Kon Tum, PSFC Gia Lai, Ngọc Hùng plt HCM, Thuận An Bình Dương, Minh Phát Bắc Giang, Văn Tâm Đồng Nai păng Khul đă ƀŏng lŏng Dak Lak vang pơ jei băl.

Dơ̆ng: Tơ blơ̆