VOV4.Bahnar - Pơ gê (26/5), tơ̆ cham đă ƀŏng lŏng, tơ plŏng kơ dâu plt Buôn Ma Thuột, Khul vei lăng đă ƀŏng lŏng Việt Nam, Anih vei lăng jŏh ayŏ kơ dŏ xoang, tơ plŏng kơ dâu păng chă tơ mang Dak Lak păng Ƀăo Thiếu niên Tiền phong păng Nhi đồng pơ gơ̆r đă vŏng bảng III Tơ drong thi đă ƀŏng lŏng U13 kơ đe hơ iŏh lơ̆m tĕh đak tơ gar Cup Yamaha 2022.  

Anih pơ gơ̆r hơ păh hla kơ ăn dôm Khul đă ƀŏng lŏng

Vang thi đă Vŏng bảng III Tơ drong thi đă ƀŏng lŏng U13 đe hơ iŏh lơ̆m tĕh đak Cup Yamaha 2022 đei 7 khul ‘nŏh: Bình Dương, Khánh Hoà, Phú Yên, QNK Quảng Nam, Quảng Ngãi, Hoàng Anh Gia Lai păng Khul Dak Lak. Kŭm hăm bảng III đei pơ gơ̆r tơ̆ Dak Lak, ‘nŏh bảng I, II păng IV kŭm đei pơ gơ̆r tơ̆ 1,2 dêh char, plt lơ̆m tĕh đak. Mă đơ̆ng ‘nâu jĭ đă vŏng bảng ră, mă lei tơ drong thi đei pơ gơ̆r lơ̆m tĕh đak, dôm bơ ngai thi jĭ đe hơ iŏh đă ƀŏng lŏng tôch gơ̆h tơ̆ dôm tơ ring, đei pơ tho pơ hrăm ‘lơ̆ng, kơ na tơ drong đă thi ƀŏng lŏng âu tôch hơ iă.

Dơ̆ng: Tơ blơ̆