VOV4.Bahnar - Kơ sơ̆ (21/9), tơ̆ Hnam thi tơ plŏng kơ dâu dêh char Dak Lak pơm lêh pơ gơ̆r Vŏng chung kêt tơ drong Thi đă ƀŏng lŏng ăn hŏk tro jăl 1 păng jăl 2 lơ̆m tĕh đak Cúp Milo sơ năm 2022. ‘Măng thi Vŏng chung kêt đă ƀŏng lŏng ăn hŏk tro jăl 1 păng jăl 2 lơ̆m tĕh đak Cúp Milo sơ năm 2022 pơ gơ̆r đơ̆ng ‘năr 21 - 27/9/2022, hăm tơ drong vang akŏm đơ̆ng 248 ‘nu bơ ngai truh đơ̆ng 16 Anih vei lăng pơ tho pơ hrăm lơ̆m tĕh đak.

Anih pơ gơ̆r hơ păh Hla kơ ƀlŏk tơ băt ăn dôm khul vang thi

Lơ̆m nŏh, tơ drong thi ăn jăl 1 đei 12 khul, jăl 2 ‘nŏh 9 khul. ‘Nâu jĭ dôm khul đă ƀŏng lŏng rơ gei đei rơih đơ̆ng tơ drong thi đă vŏng loăi Tơ ring I tơ̆ dêh char Phú Thọ păng Tơ ring II tơ̆ dêh char Bình Dương. Tơ drong thi đă ƀŏng lŏng ăn hŏk tro jăl 1 păng jăl 2 lơ̆m tĕh đak Cúp Milo ‘nŏh jĭ tơ drong thi đei pơ gơ̆r đơ̆ng sơ̆, tôch tơ păt ‘lơ̆ng păng hơ nơ̆ng đei pơ gơ̆r rim sơ năm, jing năr pơ chơt ăn đe ŏh hŏk tro ‘mĕh đă ƀŏng lŏng.

Dơ̆ng: Tơ blơ̆