VOV4.Bahnar - Pơ long Joh hơ ri hơ soang lơ̆m teh đak sơ năm 2021 (‘măng mă 2) đei pơ gơ̆r ‘năr 17/6, tơ̆ pơ lei tơm Buôn Ma Thuột, Dak Lak. Pơ gơ̆r đơ̆ng ‘năr 17 - 30/6, pơ long đei tơ drong vang akŏm đơ̆ng hloh 1.000 ‘nu nghệ sĩ, bơ ngai joh hơ ri hơ soang, kang ƀô̆ truh đơ̆ng 22 anih jang hơ ri hơ soang lơ̆m teh đak. Pơ long ‘măng âu đei Joh hơ ri, hơ soang, pơm tông...

Pơ long Joh hơ ri hơ soang lơ̆m teh đak tơ̆ Dak Lak

‘Nâu jĭ tơ drong hiôk vă đe nghệ sĩ chă hơ ri hơ soang, tơ ƀơ̆p băl, tơ roi tơ drong hlôh vao, hơ tŏk ‘lơ̆ng tơ drong gơh băt bơ̆ jang, hơ dai hăm ‘noh jĭ ‘măng vă kơ anih jang vei lăng joh ayŏ păng kơ dră chĕp kơ̆l rim anih jang joh hơ ri hơ soang chă ƀôh dôm bơ ngai mơ lôh hơ gei, đon hlă, đơ̆ng ‘noh đei tơ drong jang pơ hrăm ming, hơ tŏk tơ iung mă lăp. Hơ drol ‘noh, ‘măng mă 1 kơ pơ long Joh hơ ri hơ soang lơ̆m teh đak hlôi pơ gơ̆r jơ nei tơ̆ pơ lei tơm Hải Phòng đơ̆ng ‘năr 18 truh ‘năr 28/11/2021.

Thuem: Tơ blơ̆