VOV4.Bahnar - Đơ̆ng rŏng 2 giĕng pơ gơ̆r chơt hơ iă, gơ măng ‘năr 30/6, tơ̆ pơ lei tơm Buôn Ma Thuột, dêh char Dak Lak, pơ long hơ ri hơ soang lơ̆m teh đak ‘măng mă 2, sơ năm 2021 hlôi pơ tôch. Pơ gơ̆r đơ̆ng ‘năr 17/6 truh ‘năr 30/6, pơ long ‘măng âu đei 22 anih jang vang pơ long, hăm vă jê̆ 300 ƀai hơ ri hơ soang, akŏm hloh 1.000 ‘nu bơ ngai hơ ri hơ soang păng kang ƀô̆ bơ ngai jang kơ dôm anih jang vang hơ ri hơ soang.

Khŭl pơ gơ̆r pơ long pơ jao tơ mam hơ păh ăn dôm bơ ngai păng tơ pôl đei hơ ri hơ soang hiôk hloh

Kiơ̆ kơ hơ len lăng đơ̆ng khŭl pơ gơ̆r pơ long, pơ long ‘măng ‘nâu đei lơ tơ drong hơ ri hơ soang iŏk đei ‘lơ̆ng hơ iă, pơm ăn tơ pôl ‘meh lăng hloh. Lơ tơ drong hơ ri hơ soang vang pơ long hlôi iŏk đei jơ nei ‘lơ̆ng, hơ năn rơ đăh, pơ gơ̆r hơ nih hơ ri hơ soang ‘lơ̆ng. Hơ dai hăm dôm ƀai hơ ri hơ soang hiôk ‘lơ̆ng kơ rim tơ ring ‘noh dôm ƀai đei yua nơ̆r chăl hle 1 trong tôch kơ hơ iă pơm đei 1 um rup ‘lơ̆ng hloh lơ̆m tơ drong hơ ri hơ soang Việt Nam. 

Thuem: Tơ blơ̆