VOV4.Bahnar - Đơ̆ng rŏng 4 năr pơ gơ̆r lơ tơ drong jang ‘lơ̆ng hơ iă, tơ̆ Hơ nih tơ mang lăng bri brăh kơ teh đak Măng Đen, thị trấn Măng Đen, apŭng Kon Plông, dêh char Kon Tum hlôi pơ gơ̆r Pơ tôch tơ drong pơ long hơ ri hơ soang kră sơ̆ kơ dôm hơ drĕch hơ drŭng tơ ring Trường Sơn – Tây Nguyên pơ̆ih să ‘măng mă III sơ năm 2022. Tơ̆ ‘măng pơ long đei dang 100 ƀai hơ ri hơ soang, 19 blăh hơ băn ao, 19 mâm tơ mam joăt joe... kiơ̆ đơ̆ng tơ drong hơ gei đơ̆ng bơ ngai pơm đei hrŭk tơ ƀôh, ming pơ dă păng pơ cheh hăm đĭ jơ hngơ̆m.

Gơ măng pơ tôch tơ drong pơ long hơ ri hơ soang

Ƀok Nguyễn Công Trung, Phŏ kơ dră Anih vei lăng joh ayŏ tơ ring - Anih tơm vei lăng găh choh ayŏ tơ plŏng kơ dâu păng tơ mang lăng, tơ băt kŭm hăm jơ nei atŭm, pơ long ‘măng âu oei đei tơ drong ‘lơ̆ng gĭt kăl lơ̆m tơ drong vei răk, tơ ƀăk mong dôm kơ jă kăp gĭt joh ayŏ kră sơ̆. Lơ̆m gơ măng pơ tôch, Khŭl pơ gơ̆r pơ long hlôi pơ jao Bằng khen păng hla cơ tơ băt ăn kơ 19 khŭl grŭp hlôi đei lơ tơ gop ăn ‘măng pơ long păng lơ tơ mam hơ păh nai hai.

Thuem: Tơ blơ̆