Pơdă sơng đei 119 tơ̆ rup đơ̆ng 51 bơngai joăt kơ chhơ̆ păng ưh kơ joăt, bơngai hưch hanh kơ rup chhơ̆ lơ̆m teh đak vang akŏm. ‘Nâu oei jing tơdrong jang ‘lơ̆ng hơiă vă kơ kuh chơt hơiă tơbăt 120 sơnăm Năr pơjing dêh char Dak Lak.

Pơdă tơƀôh ‘noh jĭ tơdrong jang joh ayŏ kơdŏ soang tơgop tơroi tơbăt, roi tơƀôh um rup pơlei pơla, kon bơngai Dak Lak truh hăm kon pơlei, tơmoi lơ̆m păng ‘ngoăih teh đak; pơm tơdrong hiôk ăn bơngai chhơ̆ roi tơƀôh rup ‘nao, ‘lơ̆ng păng tơƀơ̆p, pơma dơnuh, tơroi băl tơdrong hlôh vao, pơm kơjăp mĭnh ƀơ̆r đon, hơtŏk tơiung hloh dơ̆ng tơdrong jang joăt jang. Hơdai hăm ‘noh, kiơ̆ đơ̆ng Pơdă tơƀôh hơnơ̆ng păr ang, jing tơdrong ‘lơ̆ng ăn dôm bơngai chhơ̆ đei dơ̆ng dôm rup ‘nao ‘lơ̆ng, tơgop atŭm ăn tơdrong jang joh ayŏ kơdŏ soang kơ dêh char Dak Lak.