Pơdă tơƀôh um rup jang đei đơ̆ng Dak Nông lơ̆m 20 sơnăm
Thứ bảy, 08:19, 23/03/2024
VOV Tây Nguyên/Thuem tơblơ̆
VOV Tây Nguyên/Thuem tơblơ̆
VOV4.Bahnar - Ƀlep ƀơ̆t tơbăt 20 sơnăm năr pơjing dơ̆ng, pơgê 22/3, Anih vei lăng kon pơlei dêh char Dak Nông jang hơdai hăm Anih vei răk kơ Teh đak II pơgơ̆r Pơih blŭng pơdă tơƀôh “Jơhnơr arih jang đei, dôm jơnei chĭnh trĭ, mŭk drăm, joh ayŏ, tơpôl, sơđơ̆ng, khŭl lĭnh kơ Dak Nông lơ̆m 20 sơnăm”.
Pơdă tơƀôh vă jê̆ 270 um rup, hla ar, hla kak, hla ar chih tơƀôh dơ̆ng joh ayŏ, jơhnơr arih, jang đei mŭk drăm- tơpôl, sơđơ̆ng, khŭl lĭnh kơ Dak Nông sơ̆ păng dang ei. Lơ̆m noh, đei dôm hla ar vei răk hlôi đei đơ̆ng đunh kơ âu vă jê̆ 2 hrĕng sơnăm.
Dôm hla ar, hla kak tơƀôh tơdrong tơplih anih jang hành chính, hơnăn teh, hơnăn pơlei lơ̆m dêh char Dak Nông kiơ̆ rim jơ hnơr. Pơdă tơƀôh ‘noh jĭ tơdrong pơtruh hla ar vei răk tơm đei kơjă kăp gĭt ăn tơdrong jang tơchĕng hơlen joh ayŏ, jơhnơr arih đơ̆ng rim bơngai jang khoa hŏk; pơm hơnih hŏk pơhrăm, chă hơlen lăng găh tơdrong joăt joe ăn kon pơlei lơ̆m tơring.
Viết bình luận