‘Nâu jing tơdrong jang vă tơbăt 50 sơnăm jang tơbôl đơ̆ng Hà Lan - Việt Nam.  Đei pơgơ̆r đơ̆ng dang ei truh đĭ năr 19/8 âu kơnh, Pơdah tơbang lơ um rŭp kơ 17 ‘nu bơngai chŭp um tơ̆ 13 teh đak, hăm tơdrong tơroi kăp gĭt gah um rŭp đe drăkăn lơ̆m jâ̆p kơpal teh hlôi yak hloh tơnap tap, hrăt hrĭn.

Dôm um pơdah đei jơnei lơ̆m tơdrong pơdăh đei pơgơ̆r tơ̆ Hà Lan ăh sơnăm 2021, pơm ăn kon pơlei tơ̆ tơring teh pơkao Tulip hmach bơnê, tơbang tơdrong pôk pơ-ư kơ dôm tơdrong tơgop đơ̆ng đe drăkăn păng kŭp yom hăm tơdrong nuih mơng kơ đe sư.

Atŭm hăm pơdah um adoi pơgơ̆r pơma đam hăm dôm bơngai đe hơvơn truh nhen Hơdruh guăng ‘lơ̆ng kơ teh đak Việt Nam H Hen Niê păng minh ƀar drăkăn đei jơnei lơ̆m dôm tơdrong jang. Đe sư tơroi kơ dôm tơdrong po gah tơdrong kơ-‘nôh găn hloh tơnap tap vă đei iŏk jơnei kăp gĭt lơ̆m tơpôl.