Kiơ̆ đơ̆ng TS. NSND Phạm Anh Phương, Kơdră chĕp pơgơ̆r Khul Hơsoang Việt Nam, Kơdră Khul chĕp pơgơ̆r, Giĕng Lêh hơsoang Việt Nam sơnăm 2024 đei vang năm đơ̆ng 8 khul jŏh ayŏ kơdŏ soang hăm hloh 100 ‘nu bơngai joh asoang. ‘Nou jĭ ‘măng pơgơ̆r pơlong hơsoang rim sơnăm tih hloh tơ̆ Việt Nam đei pơgơ̆r lơ̆m lơ̆m teh đak, hơtŏ hăm kơ lơ̆m teh đak păng apŭng plĕnh teh. Lăp đơ̆ng rŏng Pơm lêh pơgơ̆r blŭng a, Giĕng lêh Hơsoang Việt Nam sơnăm 2024, tơ̆ cham rông Kon Klor, bơngai tang măt hăm kon pơlei chă tơmang lăng ‘măng pơgơ̆r blŭng sa tơdrong hơsoang chăl hle SeSan. ‘Moi kiơ̆ tơdrong hơsoang, rim bơngai joh hơsoang pôk pơ ư dôm tơdrong ‘lơ̆ng rŏ hơbŏ nhen kơ tơdrong oei sa joh ayŏ kơdŏ soang Tây Nguyên; adoi tơƀôh hơdăh tơdrong mơ̆t lĕch dih băl tơdrong joh ayŏ kơdŏ soang adoi nhen tơgoăt tơgoăl kon pơlei pơla kơ rim hơdrĕch hơdrung kơtă ‘moi kiơ̆ thoong đak kroong Sê San.