VOV4. Bahnar - Hăm hơnăn “Trường Sơn Tây Nguyên- Tơgoăt tơgoăl, ‘lơ̆ng rŏ păng atŏk tơ iung”, gơmăng năr 16/3, tơ̆ cham să apŭng Kon Plông, dêh char Kon Tum pơgơ̆r Pơm lêh pơgơ̆r blŭng a Jŏh ayŏ kơdŏ soang rim hơdrung tơring Trường Sơn- Tây Nguyên ‘măng mă III sơnăm 2022.

Vang năm pơlong đei hlŏh 600 ‘nu bơnbgai jŏh hơri rim hơdrung kơ 19 dêh char, pơlei tơm lơ̆m tĕh đak. Đei pơgơ̆r lơ̆m 4 năr, đơ̆ng 16 trŭh năr 19/3, ‘măng pơlong au đei pơlong găh tơdrong pơgơ̆r kơ̆m kang kơnang giĕng, jŏh hơri, pơlong hrŭk hơbĕn ao ‘lơ̆ng rim hơdrung, tôn rĕh ting nĭng chĭng klơk, tôn chĭng chêng Tây Nguyên păng rim tơdrong đă ƀŏng lŏng tơplŏng kơdau, pai por ‘nhot vă vei răk tơ ƀăk mong, pơtho tơbăt păng vei răk tơ ƀăk mong tơdrong oei sa jŏh ayŏ ‘lơ̆ng hơ iă gĭt kăl sơ̆ ki ... kơ rim hơdrung tơring Trường Sơn - Tây Nguyên păng tang măt ăn mĭnh ƀar hơdrung ‘nhŏng ŏh lơ̆m tĕh đak.

Tơblơ̆ nơ̆r: Amazưt