Đei pơgơ̆r đơ̆ng dang ei truh đĭ khei 4 kơnh, tơdrong pơgơ̆r “Hơbĕn ao joăt joe rim hơdrung tơ̆ Đak Lăk” đei 175 tơmam drăm păng rup, hơbĕn ao kơ 48 hơdrung tŏk bŏk erih sa tơ̆ Đak Lăk.

Rim tơmam drăm đei pơdă pơjing 8 khul nơ̆r pơma, tơƀôh tơbăt tơdrong oei sa ‘lơ̆ng hơ iă, tơdrong erih sa kơ kon pơlei rim hơdrung ‘moi kiơ̆ dôm hơbĕn ao joăt joe, hơle hơnam păng tơmam drăm iŏk yua kơ ‘năr kơ đe sư. Atŭm hăm ‘nŏh, lơ̆m hơnih pơdă oei đei pơgơ̆r jang nhen: Dui brai vai tanh khăn, tơƀôh tơbăt dôm tơmam drăm gĭt kăl kơ Đăk Lăk, chă pai păng sa ‘nhĕm ‘nhot joăt joe kơ bơngai Êđê. Jơ ‘năr au, Hơnih mong răk mŭk drăm Đăk Lăk jei tơƀôh tơbăt dôm tơdrong jang kiơ̆ kmăi kmŏk kơsô̆ đei tơlĕch jang lơ̆m hơnih au nhen: tơmơ̆t jang kmăi kmŏk gơ̆h hơgei tơgŭm ăn tơmoi mơ̆t tơmang lăng; pơtho tơbăt tơmoi iŏk yua App tơmang pơhiơ̆ lơ̆m rim kmăi kmŏk hơgei; chă lăng tơmam drăm hăm kmăi kmŏk hơgei 3D; iung jang rim tơdrong jang hăm kmăi kmŏk hơgei.