Rim tơdrong joh ayŏ kơdŏ soang, Đă ƀŏng lŏng tơplŏng kơdau Tơmang pơhiơ̆ găh lơ̆m tơdrong pơgơ̆r Năr lêh Joh ayŏ kơdŏ soang, Đă ƀŏng lŏng tơplŏng kơdau păng Tơmang pơhiơ̆ rim hơdrung tơring Tây Nguyên ‘măng mă blŭng, sơnăm 2023 hăm vang năm đơ̆ng hloh 600 ‘nu nghê̆ nhân, bơngai joh hơri kon pơlei păng bơngai tơplŏng kơdau lơ̆m 5 dêh char tơring Tây Nguyên.

Lơ̆m năr lêh đei lơ tơdrong pơgơ̆r nhen: pơlong Joh ayŏ kơdŏ soang, hrŭp hơbĕn ao ‘lơ̆ng kon kông, pơgơ̆r kơ̆m kang kơnang giĕng joăt joe kơ hơdrĕch hơdrung; pơdă tơƀôh tơdrong joh ayŏ kơdŏ soang joăt joe tơring; Pơdă rup pơrŏ găh “ tơdrong oei sa joh ayŏ rim hơdrung kon kông tơring Tây Nguyên yak hơdoi hăm tơdrong atŏk tơ iung kơ teh đak”; tơƀôh tơbăt găh chă pai păng tơroi tơbăt găh ‘nhĕm ‘nhot; pơdă “Tơmam drăm oei sa ‘lơ̆ng rŏ rim hơdrung Tây Nguyên lơ̆m tơpôl tơdrong oei sa joh ayŏ rim hơdrung Việt Nam”, rim tơdrong pơgơ̆r đă ƀŏng lŏng tơplŏng kơdau păng pơchơt pơhiơ̆ kră sơ̆ păng pơgơ̆r pơtrŭt tơƀôh tơbăt tơmang pơhiơ̆.