Tơdrong pơ long hlôi pơtơm pơgơ̆r blŭng lơ̆m gơmăng hei (14/7), 8 khŭl drŏ nglo păng 6 khŭl drŏ kăn gô pơlong pơ jei tơ gar băl păh ƀŏng ‘lơ̆ng gơh hloh đei 2 kơ suơ̆t ( mĭnh drŏ nglo, mĭnh drŏ kăn) tŏk hạng pơ long pơ jei tơ̆ Pơlong păh ƀŏng lŏng pran gơh hloh kơ teh đak lơ̆m pơyan truh. Kiơ̆ kơ ‘noh, 8 khŭl drŏ nglo ‘noh Vĩnh Long, Anih vei lăng tơplŏng kơ dâu Khŭl linh, Quân khu 3, Bến Tre, Trà Vinh, Kŏng an pơlei tơm Hồ Chí Minh, Quảng Nam păng Anih tơm pơgơ̆r Cảnh sát cơ động gô klaih song pơm 2 bảng, pơ long pơ jei băl pơdăr 1 ‘măng jô̆ điêm, dôm khŭl dơ̆ng mă 1, mă 2 rim bảng gô mơ̆t lơ̆m păh pơ jei pơ tôch, đơ̆ng rŏng ‘noh rơih 2 khŭl păh jei tơ̆ ‘măng păh pơ tôch mơ̆t lơ̆m ‘măng pơ long pơ jei hơtuch păh pran gơh hloh.

Tơ̆ pơ long drŏ kăn, 6 khŭl ‘noh Thái Nguyên, Hà Nội, Hải Dương, Vĩnh Long, Hậu Giang kŭm hăm Dak Lak gô pơlong pơdăr 1 ‘măng jô̆ điêm, dôm khŭl dơ̆ng mă 1, mă 2 gô pơ long pơ jei păh ƀŏng lŏng pơtôch pơ jei băl păh ƀŏng lŏng pran gơh hloh.