Pơlong hao thŏng nan tơ̆ thong đak kroong Pôkô sơnăm 2023 đei 39 khul pơlong hao thŏng nan. Mĭnh khul đei 2 ‘nu bơngai gô pơlong hao thŏng nan hơtăih 1.000 met. Jơ ‘năr au jei đei 13 khul tôn ching chêng, 14 khul hơsoang đơ̆ng 13 tơring, thĭ trân, hơnih bơ̆ jang kơ apŭng Ia Grai, apŭng Đư̆k Kơ dêh char Gia Lai păng apŭng Ia H’Drai (Kon Tum) chă tôn joh hơsoang dôm tơdrong hiôk, ‘lơ̆ng hơ iă hloh.

Tơdrong pơgơ̆r pơlong hao thŏng nan tơ̆ thong đak kroong Pôkô păng pơting tôn hĭng chêng đei apŭng sơlam teh đak Ia Grai pơgơ̆r hơnơ̆ng vă vei răk tơƀăk mong, atŏk tơ iung tơdrong oei sa joăt joe ‘lơ̆ng rŏ hơbŏ nhen kơ kon pơlei.