VOV4.Bahnar - Kơsơ̆ năr 20/4, tơ̆ pơlei tơm Pleiku, Năr Pơlong Jŏh ayŏ kơdŏ soang rim hơdrung kon kông dêh char Gia Lai ‘măng mă blŭng sơnăm 2022 hlôi pơtôch. Đơ̆ng rŏng 2 năr pơgơ̆r, vă jê̆ 800 ‘nu bơngai jŏh hơri đơ̆ng 16 apŭng, thĭ xah, pơlei tơm hlôi hơnhăk ăn pơlei tơm groi kông Pleiku chơt hơ iă ‘nă hal hlŏh dơ̆ng.

Pôk ăn hla bơar bơnê, hla kơ ƀlŏk hơdơ̆r ăn rim khŭl jŏh hơri lơ̆m jơ pơgơ̆r blŭng a

Rim khŭl hlôi pơgơ̆r chă tôn chĭng chêng, jŏh hơri, asoang, tôn rĕh tĭng nĭng chĭng klơk, chrăh mul meo, tanh jĭt, dui brai vai tanh khăn ... Dôm tơmam drăm mă rim khŭl pơjing đei ‘nŏh nhen rông, pơsat ... jei đei pơm hăm ‘long, pơle gia. Khŭl chĕp pơgơ̆r hlôi pôk ăn hla bơar hôn bơnê, hla kơ ƀlŏk hơdơ̆r ăn rim khul gơ̆h hơgei lơ̆m ‘măng pơlong au. Khŭl jŏh hơri kon pơlei apŭng Chư̆ Păh iŏk đei jơnei dơ̆ng hơlau găh hơri; khŭl jŏh hơri kon pơlei Pleiku iŏk đei tơmam hơpăh dơ̆ng mă ƀar găh tơdrong asoang păng tôn chĭng chêng; khŭl jŏh hơri kon pơlei apŭng Đak Đoa iok đei jơnei tơmam hơpăh dơ̆ng mă blŭng găh tôn rĕh tĭng nĭng chĭng klơk, chĭng chêng.

Tơblơ̆ nơ̆r: Amazưt