Tơdrong thi đă ƀŏng lŏng Futsal HDBank Sinh viên tơring Tây Nguyên 2023 pơgơ̆r đơ̆ng ‘năr 30/5 - 11/6 đei 9 khul truh đơ̆ng dôm Hnam trưng Cao đẳng, Đăi hŏk lơ̆m tơring Tây Nguyên. Tơdrong thi pơgơ̆r kiơ̆ Luơ̆t đă ƀŏng lŏng Futsal đơ̆ng Fifa păng tơdrong hơgăt đơ̆ng Khul vei lăng đă ƀŏng lŏng Việt Nam kŭm hăm trŏng tai lơ̆m tĕh đak.

Trong thi pơlong: 09 khul đei klăih xong pơm 2 grŭp (Grŭp A: 05 khul, grŭp B: 04 khul) thi đă dăr hăm rim khul vă jô̆ điêm. Rơih iŏk dôm khul dơ̆ng mă mô̆nh păng mă ƀar tơ̆ rim grŭp mât đă ƀan kêt, păng Chung kêt. Tơdrong thi đă ƀŏng lŏng Futsal sinh viên tơring Tây Nguyên 2023 đei pơgơ̆r vă tơbăt hơdăh ‘măng mă blŭng tơdrong thi đă ƀŏng lŏng Futsal Sinh viên đei pơgơ̆r kiơ̆ tơring, năm truh tơdrong pơgơ̆r thi đă ƀŏng lŏng Futsal lơ̆m tĕh đak ăn đe sinh viên, khul mơlôh păng roi tơbăt hlŏh dơ̆ng tơdrong đă ƀŏng lŏng Futsal.