‘Nâu jĭ 1 lơ̆m dôm tơdrong jang đơ̆ng plt chơt hơ-iă vă tơbăt 110 sơnăm năr pơjing dêh char Kon Tum (09/02). Đơ̆ng rŏng kơ lêh pơih pơgơ̆r, tơmoi păng kon pơlei đei lăng tơdrong hrŭk pơ guăng 7 kơloăi hơbăn ao so kơ 7 hơdrĕch kon kông tơ̆ dêh char Kon Tum, đei: Sêdang, Bahnar, Jeh-Triêng, Jarai, Rơ Măm păng H’rê. Kŭm hăm ‘nŏh jĭ tơdrong hrŭk pơrŏ hơbăn ao tanh lơ̆m tơdrong arih xa rim năr păng hơbăn ao tanh đei tanh, chơchoh kiơ̆ chăl hle.

Anih pơgơ̆r krao 38 ‘nu ngê̆ nhân rơgei truh đơ̆ng 10 xăh, phương kơ plt Kon Tum vang hơmet tôm tơdrong đơ̆ng tanh truh hrŭk pơrŏ. Ƀlep ƀât ‘măng mă âu mơ̆n, Anih vei lăng kon pơlei plt Kon Tum roi tơbăt Pơlei chă tơmang lăng lơ̆m tơpôl ‘nŏh jĭ plei Kon Jơ Dri, xăh Đăk Rơ Wa. ‘Nâu jĭ plei chă tơmang lăng lơ̆m tơpôl mă 3 tơ̆ plt Kon Tum.