Năr akŏm kơyuơ cham char ‘lơ̆ng tơ̆ Đường săch đei pơgơ̆r 2 tơdrong noh tơbang Anih akŏm pin so – tơplih pin iŏk săch, sen đă păng pơm “kơdŭng găr hơdrĕch”. Lơ̆m noh, pơm “kơdŭng găr hơdrĕch” noh lŭk lơ̆k teh lơ̆n, trôk păng đak, lŭk lơ̆k đang tah găr hơdrĕch kăl pơtăm đang kơ noh rơpao jing găr păng sơ̆k hrăng. Găh teh lơ̆n tăp dăr găr hơdrĕch vă vei ‘lơ̆ng ăn găr hơdrĕch ưh đei ƀơm kơ-ep lep ler kăp xa păng ăn hơ-iuch đak vă găr gơh đah.

Lơ̆m rim  "kơdŭng găr hơdrĕch" đei 5 hơdrĕch ‘long pơm pơgang đei sơdrai trŏ ƀlep hăm tơring teh tơchơ̆t pơtăm. Đơ̆ng rŏng kơ noh, dôm kơdŭng găr hơdrĕch gô đei khul jang ‘nhăk ba vă “rei” ah dôm tơring teh phui phang, păng dôm tơring tơjê̆ tơkơi đak Liêng Búk Sắc (lơ̆m apŭng Lăk), vă pơjing đei ‘long pơtăm pơ-‘lơ̆ng cham char.