Hop akŏm mơ̆ng dôm bơngai vei lăng, anih pơm tơlĕch, dôm nghệ sỹ pơm phim lơ̆m teh đak tơroi hloh 10 nơ̆r pơma dơnuh, kŭm hăm dôm jĭt nơ̆r tơgop găh tơdrong jang tơgŭm đơ̆ng teh đak lơ̆m pơm tơlĕch, tơroi tơƀôh phim; pơm tơlĕch phim lơ̆m trong jang anih mơdro sa kiơ̆ trong xã hội chủ nghĩa; tơdrong hơvơn dôm kon jên ăn phim; tơdrong vei lăng nơ̆r pơma tơƀôh phim tơklep hăm tơdrong jang tơmoi lăng phim; tơdrong jang tơklep hơdai đơ̆ng phim păng tơmang lăng, jang hơdai apŭng plĕnh teh.

“Tơdrong jang hơtŏk tơiung dôm anih jang kơmăy kơmŏk joh ayŏ Việt Nam truh sơnăm 2020, lăng truh sơnăm 2030” hlôi băt hơdăh: pơjing phim Việt Nam jing tơdrong jang kơmăy kơmŏk joh ayŏ tơm, pơtrŭt hơtŏk mŭk drăm, sơng đei tơmoi tơmang lăng păng pơm bưng ai đơ̆ng phim Việt Nam lơ̆m tơring păng apŭng plĕnh teh.