Jĭ mĭnh lơ̆m 3 tơdrong pơgơ̆r tơm lơ̆m Giĕng Lêh hơsoang Việt Nam sơnăm 2024, ‘Măng pơlong tơdrong hơsoang Việt Nam đei 16 ‘nu bơngai tơchăr pơjing hăm 18 tơdrong hơsoang păng 150 ‘nu bơngai vang chă hơsoang. Rim bơngai tơchăr hơsoang đơ̆ng rim Khul joh hơsoang rim dêh char, pơlei tơm, rim Hnam trương Joh ayŏ kơdŏ soang lơ̆m teh đak hăm lơ trong tơchăr hơsoang ‘lơ̆ng hơ iă phara dih băl. Hăm tơdrong chă hơlen tôch tơpăt, Khul Hơlen ‘Măng pơlong tơdrong hơsoang Việt Nam drơ̆ng mĭnh nơ̆r tơchơ̆t pôk ăn 3 tơmam hơpăh A; 6 tơmam hơpăh B. Đơ̆ng rŏng pơm lêh pơtôch, pôk ăn tơmam hơpăh ăn ‘Măng pơlong tơdrong hơsoang Việt Nam, Khul hơsoang Việt Nam hăm Hơnih vei lăng kon pơlei dêh char Kon Tum jei pơgơ̆r pơm lêh pơtôch Giĕng Lêh hơsoang Việt Nam sơnăm 2024 đei hơnăn “Thoong đak kroong hơdăh ang rang ‘lơ̆ng”.