Tơdrong thi tôch hơiă, hăm lơ ƀai hơri hơxoang ‘lơ̆ng rŏ, chơt hiôk, ƀĕng tơdrong juăt đơ̆ng hơdrĕch hơdrung. Vă jê̆ 700 ‘nu bơngai ưh juăt hơri hơxoang đơ̆ng 23 khul găh 21 xăh, phương tơ̆ plt Buôn Ma Thuột vang thi hăm vă jê̆ 120 ƀai hơri, hơxoang, hăm dôm ƀai hơri hơdrô̆, hơri 2 ‘nu, hơri hơdai lơ bơngai, hơri hơxoang, tôn chĭng, hơri brông, hơri then.

Dôm ƀai hơri hơxoang tơƀôh hơdăh tơdrong pôk pơ ư Đảng, Ƀok Hô, pôk pơ ư jơhngâm đon ‘mêm kơ pơlei pơla, teh đak, tơdrong juăt jang kăch mang păng hơpơi ‘mĕh pơjing pơlei pơla pơdrŏng ‘lơ̆ng rŏ, gơ̆h hơgei. Pơtôch tơdrong thi, anih pơgơ̆r hơpăh 46 yaih A, B, C păng yaih pơčhơp jơhngâm ăn dôm ƀai hơri hơxoang hiôk, hơiă hlŏh. Hơpăh 11 yaih ăn khul đei lơ ƀai hơri hơxoang hơiă păng tơƀôh hơdăh tôm tơdrong kiơ̆ tơdrong thi.