VOV4.Bahnar – Hăm hơnăn  “Trường Sơn Tây Nguyên – Tơguăt tơguăl, rơ-a păng hơto\k tơ iung”, tơ\ apu\ng Kon Plông, dêh char Kon Tum pơgơ\r Pơlong pơre tơdra hơdrung kon kông tơring Trường Sơn- Tây Nguyên pơih xă ‘măng mă 3 xơnăm 2022. ‘Nâu jing minh lơ\m dôm tơdrong pơm xơng kơ kuh tơbăt 47 xơnăm đei io\k jơnei rơngei dêh char Kon Tum (16/3/1975- 16/3/2022). Tơdrong pơlong kơyuơ Anih tơm Joh ayo\ tơring, lơ\m Anih tơm Joh ayo\, Tơplo\ng kơdâu păng Tơmang pơhiơ\ jang hadoi hăm Anih vei lăng kon pơlei dêh char Kon Tum pơgơ\r.

Pơih blu\ng găh Lêh, Thư\ trưởng Anih tơm Joh ayo\, Tơplo\ng kơdâu păng Tơmang pơhiơ\ Trịnh Thị Thủy pơtơm atu\m hăm rim bơngai tang măt pơih nut pơtơm ăn tơdrong jang kơ xơnăm 2022 kơ Anih Joh ayo\, Tơplo\ng kơdâu păng Tơmang pơhiơ\ hăm hơnăn "Pơjing cham char tơnăp tơ\ tơring păng tơdrong jang pơkăp kang [o#".

Lêh pơtơm Pơlong pơre tơdra kon kông tơring Trường Sơn - Tây Nguyên pơih xă ‘măng mă 3 xơnăm 2022 đei pơtơm hăm jơva ch^ng chêng ang bang kơyuơ dôm bơngai pơdreh ch^ng chêng rơgei kơ 5 dêh char tơring Tây Nguyên noh: Kon Tum, Gia Lai, Đăk Lăk, Đăk Nông păng Lâm Đồng pơdăh.

Vang năm Pơlong đei hloh 600 nge# nhơ\n, nge# sih, bơngai jang hri hơxuang kon kông kơ 19 dêh char, đei 5 dêh char tơring Tây Nguyên păng dôm dêh char: Tuyên Quang, Vĩnh Phúc, Bắc Ninh, Hải Dương, Hà Nam, Thanh Hóa, Nghệ An, Quảng Trị, Thừa- Thiên Huế, Quảng Nam, Quảng Ngãi, Đồng Nai, An Giang păng plei tơm Hồ Chí Minh. Truh pơlong đơ\ng pơlei Kon Trang Long Loi, th^ tra#n Đăk Hà, apu\ng Đăk Hà, dêh char Kon Tum, nge# nhơ\n A Thui, 64 xơnăm, bơngai Bahnar hơdre\ch Rơ Ngao chơt hơ iă ăn tơbăt: “Nhôn ‘meh vă hơ ‘nhăk joh ayo\ juăt jue kơ po ăn rim bơngai băt truh. ‘Năr âu đei to\k ăh chơnang âu, đei ako\m hăm bôl boăl dôm dêh char noh nhôn chơt hơ iă dêh. Đei ako\m ho\k hơlen hăm đe boăl dôm dêh char nai, dôm hơdrung kon kông nai vă chă ho\k hơlen păng pơm [oi kiơ\ đe”.

Lơ\m kơmăng pơtơm Pơlong pơre tơdra joh ayo\ kon kông tơring Trường Sơn - Tây Nguyên pơih xă ‘măng mă 3 xơnăm 2022, kon pơlei păng tơmoi hlôi đei hrâu dơh po lơ\m tơdrong ako\m jơva brông bro\ng, ang bang đơ\ng jơva ch^ng chêng păng tơdra hơxuang Tây Nguyên; Đei mơ\ng lăng dôm tơdrong pơre joh ayo\ kră xơ\ nhen Khôi xoi kơ yă Mẫu Tam Phủ kơ Khul Joh ayo\ dêh char Vĩnh Phúc; Tơdrong pơdreh ch^ng chêng kơ đe nge# nhơ\n Khul dêh char Quảng Ngãi; Tơdra hơxuang Nguyên Tiêu Thịnh Hội - Ngũ Phúc Lâm Môn kơ Khul plei tơm Hồ Chí Minh; Pơdăh hơbăn ao kră xơ\…{ok Nguyễn Công Trung, Pho\ Kơdră Anih tơm Joh ayo\ tơring, lơ\m Anih tơm Joh ayo\ Tơplo\ng kơdâu păng Tơmang pơhiơ\ ăn tơbăt: “Găn ga 2 ‘măng pơgơ\r truh dang ei tơdrong pơlong hlôi hơvơn đei lơ bơngai vang ako\m. Đei minh tơdrong kăp g^t noh tang măt ăn dôm tơring lơ\m ja#p teh đak năm truh Măng Đen. Puăn năr pơgơ\r pơlong gô jing minh tơdrong ako\m joh ayo\ lơ um ai hơdrung hơdre\ch. Tôm tơdrong pơm pơtih nhen hri hơxuang tơdra kră, tơmam xa, hơbăn ao tanh, dôm tơdrong tơplo\ng kơdâu dơ\ng. 4 năr noh ưh đei đunh mă lei tơpă răk ‘măn lơ tơdrong kăp g^t ăn kon pơlei kon kông”.

Pơgơ\r lơ\m 4 năr, đơ\ng năr 16 truh năr 19/3, Pơlong pơre tơdra joh ayo\ kon kông tơring Trường Sơn - Tây Nguyên pơih xă ‘măng mă 3 xơnăm 2022 gô pơgơ\r dôm tơdrong pơm đei: Pơdăh dôm tơdrong pơxuh pơchơt, ako\m joh ayo\ đon lui, et xa, dôm tơdrong hri hơxuang, pơdăh hơbăn ao tanh, bro\ kon kông, Ch^ng chêng Tây Nguyên păng dôm tơdrong tơplo\ng kơdâu, tơmam xa nai.

Pơlong pơre tơdra joh ayo\ kon kông tơring Trường Sơn - Tây Nguyên pơih xă ‘măng mă 3 xơnăm 2022 pơkăp vă vei răk tơ[ăk mong kơjă joh ayo\ đon bơnôh, khôi juăt, tơdrong hri hơxuang, hơbăn ao tanh, tơmam xa ‘nâu nai kơ kon pơlei kon kông tơring Trường Sơn - Tây Nguyên păng tang măt ăn minh [ar hơdrung bơngai lơ\m ja#p teh đak. Atu\m hăm noh xơkơ\t đon lui lơ\m tơdrong pơgơ\r đơ\ng Đảng, teh đak, tơ iung tơdrong hơpơi hơto\k teh đak, che\p vei jơhngơ\m pran tơguăt tơguăl tôm kon pơlei.

Pho\ Kơdră Anih vei lăng kon pơlei dêh char Kon Tum Nguyễn Ngọc Sâm ăn tơbăt: {ơ\t tơbăt 47 xơnăm năr đei io\k jơnei rơngei dêh char Kon Tum, dêh char chơt hơ iă jing tơring đei Anih tơm Joh ayo\, Tơplo\ng kơdâu păng Tơmang pơhiơ\ rơih pơgơ\r tơdrong Pơlong ‘măng mă âu. Khei năr truh, dêh char Kon Tum pơtoi ako\m lơ\m dôm xơnong jang tơm nhen vei răk tơ[ăk mong kơjă joh ayo\ juăt jue ‘lơ\ng ro\ kơ dôm hơdrung bơngai kon kông tơguăt hăm hơto\k tơmang pơhiơ\; tơle\ch jang đei jơnei dôm pơkăp jang găh vei vêr cham char joh ayo\ ch^ng chêng, rông, hơbăn ao tanh, tơdrong hri hơxuang, tơdra kon kông; tơre\k tơgu\m lơ hloh dơ\ng hăm đe nge# nhơ\n ưu tu\, nge# nhơ\n hlôh vao găh khôi juăt chă ako\m pơm jang vei răk joh ayo\ kră xơ\.

Lan chih păng pơre nơ\r