Pơlong tơplŏng kơdâu kon kông jâ̆p teh đak: Xô̆ xôn, tơguăt tơguăl hăm joh ayŏ hơdrung hơdrĕch
Thứ năm, 11:01, 22/06/2023
VOV Tây Nguyên/Lan tơblơ̆
VOV Tây Nguyên/Lan tơblơ̆
VOV4.Bahnar – Tơ̆ dêh char Gia Lai tŏk bŏk oei pơgơ̆r Tơdrong pơlong tơplŏng kơdâu kon kông jâ̆p teh đak 'măng mă 13, tơring 2 xơnăm 2023, hơvơn đei jê̆ 500 bơngai pơlong truh đơ̆ng 13 dêh char găh Pơbăh pơlong 7 môn tơplŏng kơdâu 'nao păng xo xơ̆.
'Nâu jing 'măng vă rim hơdrung kon pơlei kon kông 'nhŏng oh chă akŏm, hŏk hơlen păng tơguăt hăm dih băl, tơgop iŏk yua păng hơtŏk tơplŏng kơdâu kong kông, dôm tơdrong pơxuh pơchơt kră xơ̆ kiơ̆ tơdrong pơjing joh ayŏ Việt Nam gơh rơgei hăm joh ayŏ hơdrung kon kông.
Đơ̆ng rŏng 3 năr pơlong hăt hot tơ̆ dôm môn pơlong kơdâu, pơnăh hră, drŭt 'long, hao xim xơng; dang ei Khul Đăk Lăk tŏk bŏk oei chĕp kơ̆l hăm 277 điêm, pơtoi kơ noh Khul Gia Lai păng dơ̆ng mă 3 noh Khul Kon Tum. Dôm môn pơlong nai gô pơtoi tơlĕch pơlong. Tơdrong pơlong tơplŏng kơdâu kon kông jâ̆p teh đak tơ̆ Gia Lai gô pơtôch, pôk hơpăh ăh năr 23/6/2023.
Viết bình luận