Pơm lêh joăt joe Bạch Đằng ‘noh jơ ‘năr tơbăt jơhngơ̆m đon hôn bơnê ăn mĕ ƀă yă ƀok sơ̆ ki păng rim bơngai nuih mơng hlôi tơgop tih tên ăn teh đak, ăn Kon pơlei.

Pơm lêh đei pơgơ̆r rim sơnăm đơ̆ng năr 6 truh năr 9 khei 3 (âm lịch) tơ̆ hơnih tơmang pơhiơ̆ Hơnih gru gra gĭt kăl dăr sơnăm Jơnei rơngei Bạch Đằng đei: hơnih soi tơbeh Trần Hưng Đạo, hơnih soi tơbeh Vua Bà, Hnam soi tơbeh Yên Giang (phương Yên Giang) păng Hnam soi tơbeh Trung Bản (tơring Liên Hòa), hơnih soi tơbeh Trung Cốc (phương Nam Hòa, thĭ xăh Quảng Yên) hăm dôm tơdrong pơgơ̆r soi tơbeh ƀlŏk hơdơ̆r ăn mĕ ƀă yă ƀok sơ̆ ki păng sơkơ̆t hơdăh tơdrong kăp gĭt lơ̆m chăl sơnăm Jơnei rơngei Bạch Đằng lơ̆m iung tơblăh tang găn ayăt, vei lăng teh đak; tơgop pơtho tơgoăt joăt joe chăl sơnăm ăn rim jơhnơr đơ̆ng rŏng.