Pơma đam akŏm hơlen, xơkơ̆t, tơblang kiơ̆ 3 tơdrong tơm noh: trong jang, tơchơ̆t, jơhngơ̆m pran (đei hloi bơngai jang păng tơdrong akŏm jên hu) vă pơma đam ăn hơtŏk joh ayŏ. Atŭm hăm noh, rim bơngai tang măt adoi pơma đam găh dôm xơnong jang kơ joh ayŏ vă ƀôh hơdăh tơdrong kăp gĭt kơ joh ayŏ, hơtŏk joh ayŏ noh vei xơđơ̆ng ăn hơtŏk tơ-iung kơjăp kơ teh đak.

Kơdră Anih jang Joh ayŏ, Pơtho Pơhrrăm Nguyễn Đắc Vinh, Kơdră Jơnŭm pơgơ̆r Pơma đam xơkơ̆t: Jơhngơ̆m jang tơ̆ âu noh jing bơngai jang, dang tơdrong pran kơ kon bơngai. Mă 2 noh tơdrong pran găh jên hu. Tơdrong pran găh jên hu noh gơh chă hơvơn đơ̆ng lơ tơdrong. Adrol hloh noh, tơroi truh jên mong kơ teh đak păng jên jang lơ̆m tơpôl, đơ̆ng dôm anih jang mŭk drăm hăm tơdrong tơgop đơ̆ng tơpôl, đơ̆ng kon pơlei, tơ-iung jơhngơ̆m pran vă pơjing đei cham char tơnăp hloh vă joh ayŏ hơtŏk tơ-iung.