Pơgơ̆r pơma dơnuh đei vang năm đơ̆ng rim bơngai lơ̆m khul, rim bơngai chă phĭn rup oei tơ̆ 36 dêh char, pơlei tơm tơring găh Pơbăh.

Tơ̆ pơma dơnuh, rim bơngai tang măt hlôi pơma dơnuh găh pơchoh trong atŏk tơ iung kơ tơdrong jang phĭn rup ‘lơ̆ng Việt Nam; pơchoh trong lơ̆m chăl jang kmăi kmŏk kơsô̆; jang kiơ̆ kmăi kmŏk gơ̆h hơgei (AI) lơ̆m tơdrong hơlen, châm đêm, tơchơ̆t rơih rup ‘lơ̆ng; tơpôl vang iung jang lơ̆m phĭn rup; tơlĕch lơ trong lơ̆m tơchăr phĭn rup ‘lơ̆ng. Rim bơngai tang măt akhan, kmăi kmŏk kơsô̆ hlôi tơgŭm ăn tơdrong chă phĭn păng pơm pơkeh rup roi năr roi gơ̆h hơgei, ‘lơ̆ng liĕm hloh dơ̆ng. Mă lei, bơngai phĭn kăl vei kơjăp păng ưh kơ tơplih găh um rup.