‘Nâu jĭ tơdrong gĭt kăl đei lơ̆m tơdrong jang tơbôl kơ khul linh vei lăng tơring sơlam Việt Nam - Lào yoa Anih tơm vei lăng khul linh teh đak bơ̆n păng Anih tơm vei lăng khul linh teh đak Lào vang pơgơ̆r. Tơdrong pơma nuh chinh trĭ păng si kuan mơlôh kơ khul linh 2 teh đak jĭ tơdrong hơiă hlŏh lơ̆m Tơdrong pơvei jang tơbôl đơ̆ng khul linh vei lăng tơring sơlam Việt Nam-Lào ‘măng mă 2.

Tơdrong pơma nuh đei pơgơ̆r kiơ̆ trong pơma đam, pơm tông. Tơ̆ âu đei hloi lơ tơdrong hơri hơxoang, pôk pơ ư kơ Đảng Cộng sản Việt Nam păng Đảng Kon pơlei kăch mang Lào, pôk pơ ư tơdrong mât 1 ƀơ̆r đon, pơvei băl kơjăp ‘lơ̆ng đơ̆ng Việt Nam-Lào vang tơgop pơm hơtŏk đon hlôh vao băl ăn đe si kuan mơlôh kơ 2 teh đak, tơƀôh hơdăh tơdrong pơvei ‘lơ̆ng hơiă, hui kơ đei đơ̆ng 2 Đảng, khul linh 2 teh đak păng kon pơlei Việt Nam - Lào.