Jĭ mĭnh lơ̆m dôm hơdrĕch kon kông mơ̆t oei tơ̆ Dak Lak, tơpôl bơngai Thái tơ̆ Hòa Phú găh lơ truh đơ̆ng dôm dêh char Tây Bắc nhen: Sơn La, Lai Châu... Hrei ‘nâu xăh Hòa Phú đei vă jê̆ 600 ŭnh hnam bơngai Thái hăm hloh 2.000 ‘nu bơngai. Dôm sơnăm tơ jê̆ âu, tơdrong arih sa mŭk drăm, tơpôl kơ kon pơlei roi ‘năr roi sơđơ̆ng. Đe sư oei pơvei dôm tơdrong oei sa ‘lơ̆ng hơiă kơ hơdrĕch sư lơ̆m dôm năr lêh, têt.

Kâu lak ƀô̆ joh ayŏ kră sơ̆ bơngai Thái đei pơjing hăm vă jê̆ 30 ‘nu ‘noh jĭ kon pơlei bơngai Thái đei đon hưch hanh păng ‘meh vă chĕp vei joh ayŏ kră sơ̆ tŏk bŏk arih sa tơ̆ xăh Hòa Phú. Tơdrong pơjing kâu lak ƀô̆ vă chĕp vei dôm kơ loăi joh ayŏ kră sơ̆ nhen hơri hơsoang Xoè Thái, nơ̆r pơma, chư chih, hơbăn ao hrŭk, dôm tơdrong et soi. Kiơ̆ đơ̆ng noh pơm cham ngôi pơchơt ‘lơ̆ng hơiă păng hơnih hŏk hôp ăn tơpôl bơngai Thái lơ̆m dêh char pơma atŭm păng pơlei tơm Buôn Ma Thuột pơma hơdrô̆.