VOV4.Bahnar - Hlŏh 36 ‘măng pơlong dĭh băl kơtang tơ̆ pơlei tơm Đà Lạt (Lâm Đồng), ‘măng pơlong Futsal HDBank lơ̆m tĕj đak 2022 hlôi pơtôch ƀơ̆t drung kơsơ̆ năr 4/7.

Đă ƀŏng lŏng ‘măng mă au gơ̆h hơgei hlŏh kơ hơdrol au ki

‘Măng pơlong tuch luch kơ hơyak blŭng a đă ƀŏng lŏng Futsal HDBank lơ̆m tĕh đak 2022 đei pơgơ̆r 2 đă ƀŏng lŏng Thái Sơn Bắc hăm Sài Gòn FC, hăm iŏk đei jơnei găh khŭl Sài Gòn FC hăm iŏk đei jơnei 3-0. Lơ lŏh, pơtôch đă ‘măng blŭng a, Sahaco ‘nŏh khŭl dơ̆ng hơlau hăm iŏk đei 20 điêm, dơ̆ng đơ̆ng rŏng ‘nŏh 2 khŭl Thái Sơn Nam, Thái Sơn Bắc hăm đei điêm dôm ăi 15 điêm, Sài Gòn FC 14 điêm. Dơ̆ng mă hơtuch ‘nŏh 2 khŭl Cao Bằng păng Tân Hiệp Hưng, hăm điêm dôm ăi dĭh băl ‘nŏh 5 điêm. Kiơ̆ đơ̆ng Hơnĭh chĕp pơgơ̆r Đă ƀŏng lŏng Futsal HDBank lơ̆m tĕh đak 2022, rim ‘măng pong pơjei dĭh băl đei pơgơ̆r tơ̆ Đà Lạt đei ƀô̆h, tơdrong đă gơ̆h hơgei pran kơtang kơ rim khŭl vă lei lăi dĭh băl pơtêng hăm ‘măng pơgơ̆r hơdrol. Tơdrong mă au, gô pơm ăn ‘măng pơlong tuch luch đei pơgơ̆r kơtang hlŏh dơ̆ng lơ̆m ‘măng mă au đei pơgơ̆r tơ̆ Cần Thơ lơ̆m khei 10 kơnh. 

Tơblơ̆ nơ̆r: Amazưt