Pơgơ̆r truh đĭ khei 2 âu kơnh, tơdrong pơdah tơbang 69 um rŭp kră sơ̆ ‘lơ̆ng hơ-iă, rơih iŏk lơ̆m anih akŏm kơ Anih Pơdah tơmam drăm so Việt Nam. Hăm lơ um rŭp so mă đe ư ang nhen: Đông Hồ (Thuận Thành, Bắc Ninh), Hàng Trống, rŭp Kim Hoàng (Hà Nội), păng minh ƀar rŭp soi ƀlŏk Vũ Di (Vĩnh Phúc), Độc Lôi (Nghệ An), đei tơdrong ‘lơ̆ng, tơroi gah tơdrong hơrih pơm jang kơ bơngai jang mir, rŭp thơ thâu băl chơt hơ-iă rim ‘măng Têt truh Puih mak vih, tơbang tơdrong hơpơi ‘meh đơ̆ng kơ rơbâu sơnăm đơ̆ng kon pơlei gah tơdrong hơrih phĭ tơtŏ dơnŏ ‘lơ̆ng.

Ƀok Đinh Một, Kơdră Anih Pơdah tơmam drăm so Đăk Lăk ăn tơbăt, pơdah um rŭp truh hăm bơngai lăng băt dôm kơjă kăp gĭt gah joh ayŏ juăt jue kră sơ̆ kơ kon pơlei Việt Nam. Atŭm hăm noh adoi jing tơdrong akŏm pơchơt, sơng puih mak Giáp Thìn păng sơng kơ kuh 94 sơnăm Năr tơ-iung pơjing Đảng Cộng sản Việt Nam.