VOV4.Bahnar - Tơ̆ hla ar chih kơ sô̆ 2704 ‘năr 28/4/2022, Phó Thủ tướng Vũ Đức Đam drơ̆ng nơ̆r asong pơ gơ̆r 1 anih prăh kơ mlăi pơ kao, prăh ưh gơ̆h đunh hlŏh 15 pơ nĭt tơ̆ jơ pơm Lêh pơih blŭng ăn tơ drong Thi đă ƀŏng lŏng, tơ plŏng kơ dâu kơ Đông Nam Á ‘măng mă 31 Việt Nam (SEA Games 31) lơ̆m gơ măng ‘năr 12/5/2022 tơ̆ Cham đă ƀŏng lŏng Mỹ Đình, plt Hà Nội. 

Phó Thủ tướng pơ jao ăn Dơ nŏ anih vei lăng kon pơ lei plt Hà Nội pơ tho tơ ƀôh trong pơ gơ̆r, lơ̆m nŏh athei jang hơ doi kơ jăp hăm Anih tơm vei lăng jŏh ayŏ kơ dŏ xoang, tơ plŏng kơ dâu păng chă tơ mang lăng kŭm hăm dôm anih jang kơ pal đei ƀơm truh vă hơ met, pơ gơ̆r prăh; athei pơm ‘lơ̆ng kiơ̆ tơ drong hơ găt đơ̆ng Khul kơ dră tĕh đak găh vei lăng, iŏk yoa kơ mlăi păng vei sơ đơ̆ng ăn tơ pôl, bơ̆ jang ‘lơ̆ng tơ drong tang găn jĭ COVID-19 kiơ̆ tơ drong hơ găt.

Dơ̆ng: Tơ blơ̆