Tơdrong ‘lơ̆ng hơiă hlŏh jĭ Lêh pơjing đei mĭnh tĕh đak kơjăp ‘lơ̆ng păng Lêh jŏh ayŏ kơdŏ xoang – tơmam xa ‘lơ̆ng Việt Nam hăm hơnăn “Pơhngol hơdrĕch hơdrung – ƀou phu ‘lơ̆ng đơ̆ng pơlei pơla”. Lêh "Pơjing đei mĭnh tĕh đak kơjăp ‘lơ̆ng" đei dêh char Quảng Trị pơgơ̆r pơgê ‘năr 30/4 tơ̆ Anih gru groa gĭt kăl kơ tĕh đak 2 păh Bơnơ̆ Hiền Lương - Bến Hải gô jing tơdrong sơng đei lơ kon pơlei, tơmoi chă tơmang lăng, mă loi jĭ đe linh so vang truh akŏm.

Đơ̆ng rŏng kơ lêh dui hơtŏk Hla kơ ‘nŏh jĭ tơdrong thi hao thŏng nan tơ̆ đak krong Bến Hải. Lêh jŏh ayŏ kơdŏ xoang – Tơmam xa ‘lơ̆ng Việt Nam 2023 hăm hơnăn “Pơhngol hơdrĕch hơdrung - Ƀou phu ‘lơ̆ng đơ̆ng pơlei pơla” pơgơ̆r đơ̆ng ‘năr 28 - 30/4 tơ̆ Anih pơvih pơvăn chă tơmang lăng Cửa Việt, thĭ trơ̆n Cửa Việt, apŭng Gio Linh. Lêh âu đei 80 kơdeng tơmam ming pơdă tơm xa 3 tơring Găh Tu – Tŏk bŏk păng Pơbăh hăm tơdrong vang akŏm đơ̆ng lơ ngê̆ nhơ̆n, bơngai juăt pai, pơm tơmam xa Việt Nam.