Pơma pơih blŭng năr hla ar, Kơdră dơnơm vei lăng Anih radiô nơ̆r pơma Việt Nam Đỗ Tiến Sỹ pơma hơdăh ‘nâu jĭ tơdrong jang hơdăh ‘lơ̆ng yak truh dôm năr tơbăt tih kơ teh đak. Đĭ lơ sơnăm kơ âu Anih radiô nơ̆r pơma Việt Nam tă kơ pơgơ̆r tơdrong jang kiơ̆ năr đŏk hla ar mă lei ling lang đei tơplih lơ ‘nao ‘lơ̆ng.

Pơma dơnuh đơ̆ng dôm bơgai pơcheh păng bơngai đŏk hlôi sơkơ̆t hơdăh hla ar ‘noh tơmam joh ayŏ jơhngơ̆m đon pơm hơnăp jang gĭt kăl, hơnhăk truh tơdrong gơh hơgei, tơƀôh ăn kon bơngai truh dôm tơdrong kăp gĭt ‘mêm mơ nat. Hŏk, păng đŏk hla ar ‘noh jĭ 1 lơ̆m dôm trong vă pơm ‘lơ̆ng jơhngơ̆m đon kon bơngai, vă hơgei lơ̆m tơdrong arih sa kơdih păng tơgop lơ̆m tơdrong hơtŏk tơiung atŭm kơ tơpôl pơm jing tơdrong ‘lơ̆ng gĭt kăl pơtrŭt hơtŏk tơiung kơjăp.