Têt Bunpimay đei pơgơ̆r kiơ̆ tơdrong joăt joe sơ̆ ki kơ bơngai Lào nhen: tơhum Phât, soi tơbeh hơvơh hơvơi hơpơi ăn pran jăng grăng akau sơnăm ‘nao, pơm kơthôt hơvơh hơvơi ăn pran jăng grăng akau, hơnŭk hơnoa, chă hơchăng ŭnh jrĕnh lơ̆m thoong đak kroong, pơgơ̆r joh hơri kră sơ̆, hơsoang Lam vông.

Tơdrong kăl lơ̆m pơgơ̆r pơm lêh sơnăm au, mưh pơgơ̆r blŭng đei Pơm lêh sơng Bia Puih mak Nang Sang Khane, hơsoang lăm vông păng kơsăi đak tơ̆ trong pơlei ƀuôn Trĭ năm tơ̆ hơnih tơmang pơhiơ̆ Gơng hơneh păng Pơkôl Ây Nô. Tơ̆ au, kon pơlei hăm tơmoi đei vang tơmang lăng đe pơgơ̆r tôn chĭng chêng, joh hơri kơ bơngai lào; pơting dih băl “pai por ‘nhot pơlei Pơkôl đak” păng “hơbĕn ao tanh kon kông Tây Nguyên”; vang năm lăng pơgơ̆r pơm pơrŏ ăn kơ rôih, phĭn rôih hăm tơmoi.