VOV4.Bahnar - Kơ sơ̆ (5/8), tơ̆ plt Buôn Ma Thuột, pơ gơ̆r Hop akŏm roi tơ băt, tơ lĕch trong chă tơ mang lăng truh tơ̆ 5 dêh char "Quảng Bình - Quảng Trị - Thừa Thiên Huế- Đà Nẵng - Quảng Nam" hăm dôm dêh char Tây Nguyên. Hop akŏm roi tơ ƀôh um rup Tơ ring gru groa ‘lơ̆ng hơ iă, roi tơ băt dôm tơ mam chă tơ mang lăng păng tơ drong jang tưk tơ iung dơ̆ng đơ̆ng 5 dêh char tơ ring Tŏk bŏk đei Quảng Bình, Quảng Trị, Thừa Thiên Huế, Đà Nẵng păng Quảng Nam truh hăm dôm công ty chă tơ mang lăng, năm tơ mang lăng tơ̆ tơ ring Tây Nguyên.

Tơ lĕch trong chă tơ mang lăng

Atŭm hăm ‘nŏh hơ tŏk tơ drong jang hơ doi, vang tưk tơ iung chă tơ mang lăng đơ̆ng 5 dêh char hăm dôm dêh char tơ̆ tơ ring Tây Nguyên, pơ jing tơ drong ‘lơ̆ng ăn anih jang hơ doi vang atŏk tơ iung tơ mam chă tơ mang lăng, hơ tŏk tơ drong tơ guăt 2 tơ ring, tơ gop tưk tơ iung dơ̆ng, pơm hơ tŏk păng hơ nhăk tơ drong chă tơ mang lăng jing anih jang mŭk drăm tơm. Kiơ̆ kơ ‘nŏh, dôm dêh char kĭ pơ kăp jang hơ doi, atŏk tơ iung chă tơ mang lăng kơ plăh dôm dêh char lơ̆m 2 tơ ring Tŏk bŏk păng Tây Nguyên.

Dơ̆ng: Tơ blơ̆