‘Măng pơdă ming tơƀôh, roi tơbăt ăn kon pơlei hlŏh 100 tŏ rup găh dôm tơdrong jang tơm păng jang kiơ̆ Festival pơkao Đà Lạt lơ̆m 8 ‘măng pơgơ̆r. Kiơ̆ kơ ‘nŏh, đơ̆ng “Lêh ƀrŭng ƀrăng pơkao” đei pơgơ̆r sơnăm 2004, truh sơnăm 2005, Đà Lạt pơtơm pơgơ̆r Festival pơkao ‘măng mă mônh đei hơnăn “Đà Lạt – Anih pơkă ƀrŭng ƀrăng pơkao".

Iŏk đơ̆ng noh, hơnơ̆ng 2 sơnăm 1 ‘măng, Đà Lạt - Lâm Đồng vei kơjăp tơdrong pơgơ̆r Festival pơkao. Hơdrô̆ Festival pơkao Đà Lạt ‘măng mă 9 âu, yoa ƀơm kơnê̆ đơ̆ng jĭ Covid-19, tơplih ăn tơdrong pơgơ̆r sơnăm sơ̆ ‘nŏh sơnăm ‘nâu ‘nao pơgơ̆r. 

‘Ngoăih kơ pơdă um rup “Đà Lạt đơ̆ng 8 ‘măng Festival pơkao”, tơ̆ anih pơdă, Khul chih pơđơ̆k, jŏh hơxoang Lâm Đồng oei ming pơdă, roi tơƀôh 130 tŏ rup čhơ̆, mul meo đơ̆ng dôm bơngai joh hơri hơxoang, chih pơđơ̆k, chrăih mul meo, bơngai phĭn rup lơ̆m khul, tơƀôh tơdrong ‘lơ̆ng đơ̆ng sơ̆, kon bơngai, dôm anih đei cham char ‘lơ̆ng rŏ đei hơnăn “Đà Lạt inh ‘mêm”.