Mĭnh lơ̆m dôm tơdrong jơnei ‘lơ̆ng hlŏh lơ̆m sơnăm âu ki ‘nŏh, Radio iŏk đei 170 yaih chih hla ar tơroi lơ kơ loăi. Sơnăm âu ki, Radio nơ̆r pơma Việt Nam roi tơbăt tôch hrĕnh, tôm tơdrong, hăm lơ tơdrong tôch gĭt kăl găh chinh trĭ, mŭk drăm, tơpôl, jŏh ayŏ kơ dŏ xoang, chă tơmang lăng, tơplŏng kơdâu lơ̆m teh đak; hơdai hăm ‘nŏh ‘moi kiơ̆ tơdrong chĕp kơ̆l pơgơ̆r, tơƀôh trong roi tbăt găh dôm tơdrong lơ̆m apŭng plenh teh, tơtom tơƀôh hơdăh trong jang, đon tơchĕng đơ̆ng Đảng, Teh đak bơ̆n hăm dôm tơdrong tih lơ̆m apŭng plenh tĕh, lơ̆m noh đei tơdrong tơblăh Nga - Ukraine, Israel – Hamas.

Tơlĕch 15 tơdrong jang tih lơ̆m sơnăm 2024, Radio nơ̆r pơma Việt Nam hơnơ̆ng ‘moi kiơ̆ tơdrong chĕp kơ̆l pơgơ̆r đơ̆ng Khul kơdră teh đak, Thủ tướng teh đak vă bơ̆ jang ‘lơ̆ng tơdrong jang đei pơjao, roi tơbăt trŏ ƀlep tôm tơdrong, rơđăh rơđong hăm rim tơdrong lơ̆m teh đak păng tơ̆ teh đak đe; Dôm trong pơgơ̆r jang đơ̆ng Khul kơdră teh đak vă bơ̆ jang đei jơnei tơdrong jang tơm atŏk tơiung mŭk drăm, tơpôl; pơgơ̆r đang ‘lơ̆ng Tơdrong thi pơih pơre nơ̆r lơ̆m teh đak ‘măng mă 16; Adrin vang chih thi dôm yaih tih lơ̆m teh đak păng tơ̆ teh đak đe… Lơ̆m kơsơ̆ brei mơ̆n, Anih chĕp kơ̆l Đảng kơ Radio nơ̆r pơma Việt Nam pơgơ̆r pơtôch tơdrong jang tơiung pơjing đảng sơnăm 2023, tơlĕch tơdrong jang sơnăm 2024.