Hăm hơnăn “ Sơnăm mơ lôh Dak Lak hăm tơdrong vei răk, roi tơƀôh joh ayŏ joăt joe dôm hơdrĕch hơdrŭng kơtă anih lơ̆m dêh char”, hop akŏm pơ gơ̆r chơt hơiă, rơhâu hiôk.

Dôm tơmoi hơvơn hlôi tơroi lơ tơdrong ƀơm truh joh ayŏ kon kông, tơdrong pha ra băl, tơdrong hơiă pơm jing joh ayŏ joăt joe đơ̆ng dôm hơdrĕch hơdrŭng kơ tă anih; tơdrong vei răk păng hơtŏk tơiung joh ayŏ tơ̆ tơring; tơdrong chă hơlen lăng jrŭ, chih hơmet ming hla ar kăl găh joh ayŏ; 1,2 trong jang kơmăy kơ mŏk vă gơh băt găh joh ayŏ lơ̆m chăl 4.0 hrei ‘nâu. Đoàn viên hơdruh tơdăm kŭm tơroi đon tơchĕng kơ dih găh joh ayŏ joăt joe; tơroi găh mơmat tat tơhlăk tơhlĭn lơ̆m tơdrong vei răk, roi tơƀôh joh ayŏ kơ dôm hơdrĕch hơdrŭng kơ tă anih lơ̆m dêh char.