Pơma truh tơdrong jang joh ayŏ oei sa ‘noh pơma truh pơm tơlĕch rim tơmam drăm joh ayŏ kơdŏ soang păng tơchăr; ‘moi kiơ̆ iŏk yua dôm tơdrong kăp git oei sa joh ayŏ ‘lơ̆ng rŏ atŭm hăm dôm tơmam drăm păng tĕch mơdro gơ̆h hơgei, tôch gĭt kăl ăn tơpôl păng tơdrong oei sa vă hơnhăk iŏk đei mŭk drăm.

Vă tơdrong jang joh ayŏ oei sa teh đak bơ̆n hrôih atŏk tơ iung kơtang, kơjăp ‘lơ̆ng, kăl đei tơplih kơtang đơ̆ng jơhngơ̆m đon tơchĕng truh iung jang, tơplih ‘nao đon tơchĕng, atŏk kơtang lơ̆m trong iung jang, tơ iung pơjing hơnih jang joh ayŏ oei sa Việt Nam “Tơchăr hơgei-‘Lơ̆ng rŏ-gĭt kăl-Joăt jang-Kĕ pơjei” Thủ tướng athei, rim kơdră tang măt vang pơma dơnuh, tơbăt dih băl trong jang hơ iă mă rơhao tơpăt, hơlen mă brĕ dôm tơdrong iŏk đei, tơdrong jang tim mă jơnei lơ̆m atŏk tơ iung tơdrong jang joh ayŏ oei sa khei năr au ki, tơdrong tơm pơm ăn, trong kăl kiơ̆ yok rok jơ̆ng.