VOV4.Bahnar - Lơ̆m tơ drong jŏh hơ ri hơ xoang lơ̆m tĕh đak đơt 1, kơ sơ̆ 20/5, Khul chih pơ dơ̆k hơ ri hơ xoang Việt Nam jang hơ doi hăm Khul chih pơ đơ̆k hơ ri hơ xoang Dak Lak pơ gơ̆r tơ ƀâp ăn Kơ dră chĕp kơ̆l dôm khul chih pơ đơ̆h hơ ri hơ xoang Việt Nam truh hăm tơ drong hơ ri hơ xoang lơ̆m tĕh đak đơt 1 sơ năm 2022. ‘Nâu jĭ ‘măng tơ ƀâp mă blŭng đơ̆ng Kơ dră chĕp kơ̆l Khul chih pơ đơ̆k, hơ ri hơ xoang Việt Nam Đỗ Hồng Quân hăm kơ dră chĕp kơ̆l dôm Khul chih pơ đơ̆k hơ ri hơ xoang tơ̆ dôm dêh char.

Dôm bơ ngai tang măt phĭn hơ doi

Tơ̆ jơ tơ ƀâp, kơ dră chĕp kơ̆l khul chih pơ đơ̆k, hơ ri hơ xoang dôm dêh char pơ ma nuh găh dôm tơ drong mơ mat tat, hiôk hian đơ̆ng khul mưh bơ̆ jang. Roi tơ ƀôh dôm tơ drong kăl păng trong pơ gơ̆r bơ̆ jang đơ̆ng Khul vă gơ̆h đei yoa ‘lơ̆ng, akŏm đei lơ bơ ngai vang jang. Dôm bơ ngai tang măt oei pơ ma tơ lĕch dôm tơ drong tơ hlăk ƀơm truh tơ drong bơ̆ jang, đei hloi bơ̆n hla ar dơ̆ng tang luơ̆t păng ‘long yâu đơ̆ng khul tơ̆ tơ ring. Tơ lĕch lơ nơ̆r apinh lơ̆m tơ drong jang hơ doi păng tơ drong jang tơ gŭm đơ̆ng Khul.

Dơ̆ng: Tơ blơ̆