VOV4.Bahnar - Gơ măng hei (26/8), tơ̆ Anih jang găh Joh ayŏ kơ dŏ soang dêh char Dak Lak, Khŭl jang găh Joh ayŏ kơ dŏ soang Dak Lak jang hơ dai hăm Anih vei lăng găh joh ayŏ - tơ plŏng kơ dâu păng tơ mang lăng pơ gơ̆r tơ drong jang Roi tơ ƀôh bơ ngai pơ cheh, ƀai chih, kơ kuh chơt hơ iă năr Joh ayŏ kơ dŏ soang Việt Nam sơ năm 2022. 

Anih pơ gơ̆r hơ păh pơ kao ăn dôm bơ ngai pơ chĕh ƀai hơ ri

Tơ̆ tơ drong jang, bơ ngai lăng đei mơ̆ng lăng dôm ƀai hơ ri ‘lơ̆ng hơ iă hăm dôm ƀai hơ ri chih găh tơ ring teh păng joh ayŏ tơ ring yua đơ̆ng kơ dih dôm bơ ngai chih pơ cheh kơ Dak Lak nhen: Nơ̆r hơ ‘mon, hơ druh Ê Đê Bih hơ băn jăl, Đôi mắt Ban Mê, Rock cà phê, Dơ ning ĭnh vih tơ̆ Ban Mê, Buôn Ma Thuột- Oh. Hăm tơ drong joh hơ ri hơ iă Tây Nguyên, tơ drong hơ ri hơ soang tôch kơ hiôk đơ̆ng dôm bơ ngai hơ ri păng dôm tơ drong tơm pơ ma dơ nuh tơ păt đơ̆ng dôm bơ ngai pơ cheh hlôi hơ nhăk truh ăn bơ ngai lăng lơ tơ drong chhôk hơ iă.

Thuem: Tơ blơ̆