VOV4.Bahnar - Tơ băt 77 sơ năm năr pơ jing Anih Radio nơ̆r pơ ma Việt Nam, tơ̆ Hơ nih pơ re nơ̆r kơ Teh đak 58 Quán Sứ Hà Nội, Anih Radio nơ̆r pơ ma Việt Nam pơ gơ̆r Tơ drong hơ ri hơ soang tơ ring găh Tu. Hăm hơ năn hơ ri pôk pơ ư kơ tơ drong ‘mêm pơ lei pơ la, teh đak, hơ ri pơ ư kơ Đảng, ƀok Hồ ‘mêm kơ eng, hơ ri pơ ư tơ drong joăt joe đơ̆ng Anih Radio nơ̆r pơ ma Việt Nam, đe kang ƀô̆, bơ ngai chih kơ tơ̆ng ang, bơ ngai chih hơ met ming, bơ ngai jang kơ teh đak, bơ ngai jang kơ dôm khŭl tơ drong jang, dôm anih jang  lơ̆m teh đak hlôi hơ nhăk tơ drong hơ ri hơ soang dôm ƀai hơ ri hơ soang tôch hiôk, tôch kơ ‘lơ̆ng. Tơ drong hơ ri hơ soang ‘noh jĭ ‘măng vă kang ƀô̆, bơ ngai jang tơ roi dơ̆ng jơ hnơr arih gơh hơ gei joăt joe nuih mơng đơ̆ng Anih Radio nơ̆r pơ ma Việt Nam yak hơ dai hăm teh đak đơ̆ng năr Quốc khánh, hloh 2 ‘măng tơ blăh vang, tơ drong tơ plih ‘nao păng pơ jing, vei lăng teh đak truh dang ei.

Ƀai hơ ri hơ soang kơ Khŭl chih ƀai, pơ re nơ̆r kơ tơ̆ng ang VOV1 hăm tơ drong vang akŏm đơ̆ng kang ƀô̆ păng lơ lap bơ ngai chih kơ tơ̆ng ang, bơ ngai chih hơ met ming

Tơ gop tơ iung tơ drong ‘mêm, jơ hngơ̆m chhôk ‘nă tơ drong jang, tơ iung đon hưnh hanh, jang tơ năp đơ̆ng bơ ngai jang chih hla ar tơ roi, vei răk păng hơ tŏk tơ drong joăt joe, tơ gop lơ̆m tơ drong hơ tŏk tơ iung kơ teh đak. Tơ drong hơ ri hơ soang kŭm jing ‘măng vă kơ rim anih jang lơ̆m Anih radio tơ ƀơ̆p, pơ ma dơ nuh, tơ roi băl tơ drong hlôh vao, vei kơ jăp 1 jơ hngơ̆m đon đơ̆ng rim anih jang, bơ̆ jang đang ‘lơ̆ng hơ năp jang chĭnh trĭ đei pơ jao.

 Gơ măng brei (6/9), pơ gơ̆r lêh pơ jao tơ mam hơ păh Nơ̆r pơ ma Việt Nam sơ năm 2022. Dôm ƀai hơ ri hơ soang hiôk, ‘lơ̆ng hloh tơ̆ dôm tơ ring lơ̆m teh đak vang hơ ri hơ soang, chơt hơ iă 77 sơ năm pơ jing Anih Radio nơ̆r pơ ma Việt Nam.

Thuem: Tơ blơ̆